5.1 這顯然是 成功 ê 婚姻

Chiuⁿ 5.

5.1 Che hián-jiân sī sêng-kong ê hun-in

“Raby ê Mûi-kùi” chèng-bêng sī chi̍t-pún hi-kò͘ ê sió-soat; m̄-koh siōng-bô che pí Tanner ê “England Hiàn-chèng Le̍k-sú” khah hó tha̍k. Lēng-gōa, che sī chi̍t-chióng ta̍t-tit chun-kèng ê le̍k-sú sió-soat hêng-sek, ē-sái kóng sī “ū tùi-ōe ê le̍k-sú.” I khah sêng sī ū sióng-siōng le̍k ê toān-kì, m̄-sī pîn-khong hi-kò͘ ê kò͘-sū.

M̄-koán Evelyn Payne-Ellis sī siáⁿ-lâng, yi ū thê-kiong siàu-siōng kap cho̍k-phó͘, pēng-chhiáⁿ khòaⁿ sī bô chhì boeh siá i kap piáu-ché Laura tī sè-hàn sî chhiâng-chāi kóng ê hit-chióng “kó͘-thé bûn.” Chheh lāi-bīn bô “by our Ladys (í Sèng-bió chi miâ),” bô ‘nathelesses (m̄-kú),’ a̍h ‘varlets (húi-tô͘)’ chit-lūi ê kó͘-gí. Chiū i ê thé-hiān lâi khòaⁿ, sī chi̍t-pún tiong-si̍t ê chok-phín.

I ê bûn-thé pí Tanner Ss ê chheh koh-khah ū khé-hoat sèng.

Khé-hoat chē leh.

Grant jīn-ûi, lí nā bô hoat-tō͘ liáu-kái chi̍t-ê lâng, khah kî-chhù ê hoat-tō͘ tō sī khì liáu-kái in lāu-bú, kō͘ án-ne lâi phòaⁿ-toàn chit-ê lâng.

Chū án-ne, tī Marta ē-tit ūi i chhōe-tio̍h hit-ūi sîn-sèng, khó-khò ê Thomas More só͘ siá ê Richard kò-jîn kì-lo̍k chìn-chêng, i chin goān-ì seng gián-kiù Cecily Nevill, its York Kong-chiok Hj.

I kā cho̍k-phó͘ khòaⁿ chi̍t-ē, sim-lāi án-ne siūⁿ, ká-sú York hit nn̄g hiaⁿ-tī, its Edward kap Richard, sin ûi kok-ông, nā in-ūi in bat keng-giām pêng-bîn seng-oa̍h án-ne sī te̍k-sek, á in tī England hiat-thóng ê sûn-chiàⁿ mā kāng-khoán sī te̍k-sek.

I khòaⁿ in ê hiat-thóng, kám-kak kiaⁿ-thàn. Nevill, Fitzalan, Percy, Holland, Mortimer, Clifford kap Audley, iáu koh ū Plantagenet (Kim-chhiok Hoe). Elizabeth Lú-ông (yi ka-tī án-ne chū-khoa) lóng sī sûn-chhùi ê England lâng; ká-sú kā Welsh hiat-thóng mā sǹg-chò sī England hiat-thóng.

M̄-koh, ùi Cheng-ho̍k-chiá William kàu Lông-hu George chit-tōaⁿ sî-kî, só͘-ū tī teng ông-ūi ê lām-hoeh kun-chú tiong-kan (ū-ê lām-tio̍h pòaⁿ Franse, pòaⁿ Sepanga, pòaⁿ Denmark, pòaⁿ Holland, pòaⁿ Portugal), Edward IV kap Richard III tī pún-thó͘ hiat-thóng ê sûn-chiàⁿ -sèng ta̍t-tit chù-bo̍k.

I mā chù-ì tio̍h, in lāu-bú hit-thâu ê hông-ka hiat-thóng bē khah su lāu-pē chit-thâu. Cecily Nevill ê a-kong sī Gaunt ê John, sī tē-it tāi Lancaster lâng, Edward III ê tē-3 hāu-seⁿ. Yin ang ê 2-ê lāi/gōa kong, sī Edward III ê lēng-gōa 2-ê hāu-seⁿ. Só͘-tì, Edward III ê 5-ê hāu-seⁿ kî-tiong 3-ê, tùi chit 2-ê York hiaⁿ-tī ê chhut-sì ū kòng-hiàn.

“Chò chi̍t-ê Nevill ka-cho̍k sêng-oân,” Payne-Ellis Sc (Sió-chiá) án-ne siá, “ū i ê tiōng-iàu sèng, in-ūi in sī tōa tē-chú. Nevill sêng-oân m̄-sī ian-tâu tō sī súi, in-ūi in kui ke-hóe lóng seⁿ-chò hó-khòaⁿ. Nevill sêng-oân ū kò-sèng, in-ūi in gâu piáu-hiān sèng-keh kap khì-chit. Kā chit 3-hāng Nevill lâng thian-hūn, kō͘ chòe iù-tì ê hong-sek chi̍p tī chi̍t-sin, che sī Cicely Nevill ê hok-ūn. Chá tī pak-pêng pit-su tī Pe̍h kap Âng Mûi-kùi tiong-kan kéng-pêng í-chêng yi tō sī pak-pêng ûi-it ê mûi-kùi ah.”

Payne-Ellis Sc kian-sìn, Cicely Nevill kap Richard Plantagenet, its York Kong-chiok, ê hun-in sī ài ê kiat-ha̍p. Grant tùi chit-ê lí-lūn khí-thâu sī hiâm-gî kah chiap-kīn khin-sī, it-ti̍t kàu i chù-ì tio̍h chit-chân hun-in ê kiat-kó.

Tī 15 sè-kí, múi-nî ka-têng cheng-ka chi̍t-ê gín-á, he bô siáⁿ, kan-ta chèng-bêng in gâu-seⁿ. Cicely Nevill ūi ian-tâu ang seⁿ chi̍t-kōaⁿ gín-á, bē-tàng chèng-bêng he sī ài, kan-ta chèng-bêng in ū tòa chò-hóe. Tān-sī tī hit-ê sî-tāi, bó͘ ê kak-sek sī koaix lâu tī chhù, koán-kò͘ chhù ni̍h ê tāi-chì, Cecily Nevill tiux tòe ang-sài sì-kè lí-hêng, che ū-kàu ta̍t-tit chù-ì, piáu-sī he pôe-phōaⁿ ū ī-siông ê khoài-lo̍k.

He lí-hêng ê hoān-ûi kap chia̍p-tō͘, ē-tàng ùi gín-á chhut-sì ê tē-tiám tit-tio̍h chèng-bêng. Tē-it teh Ann, seⁿ tī Fotheringhay, hia sī ka-têng tī Northampton Kūn ê chhù-the̍h ê só͘-chāi. Âng-eⁿ-á sî tō sí ê Henry, seⁿ tī Hatfield. Edward seⁿ tī Rouen, hit-sî Kong-chiok teh ho̍k-ia̍h. Edmund kap Elizabeth mā seⁿ tī Rouen. Margaret seⁿ tī Fotheringhay. Gín-á sî tō sí ê John, seⁿ tī Wales ê Neath. George seⁿ tī Dublin (Grant hòⁿ-kî, sī m̄-sī in-ūi án-ne, George chiah ē ū he kóng bē-lâi ê Ireland hoâiⁿ-pà?) Richard seⁿ tī Fotheringhay.

Cecily Nevill bô it-ti̍t lâu tī Northampton Kūn chhù ni̍h tán yin thâu-ke kiam chú-lâng tī hoaⁿ-hí ê sî chiah lâi thàm-bōng yi. Yi tòe i sì-kè khì in seng-oa̍h ê só͘-chāi. Án-ne tō ū kàu la̍t chi-chhî Payne-Ellis Sc ê lí-lūn. Tō kóng kō͘ siōng mî-chiⁿ ê gán-kong lâi khòaⁿ, che hián-jiân sī chi̍t-ê kài sêng-kong ê hun-in.

Che khó-lêng mā ē-tàng kái-soeh, Edward ta̍k-kang khì Paston Chū-só͘ thàm-bōng nn̄g-ê sió-tī ê hit-chióng ka-têng kám-chêng. York ka-cho̍k, sīm-chì tī cho-siū khó͘-lān chìn-chêng, tō sī chi̍t-ê thoân-kiat ê ka-cho̍k.

--

章 5.

5.1 這顯然是 成功 ê 婚姻

“Raby ê 玫瑰” 證明是 一本 虛構 ê 小說; 毋過 上無 che 比 Tanner ê “England 憲政歷史” 較好讀. 另外, 這是 一種 值得尊敬 ê 歷史小說 形式, 會使講 是 “有對話 ê 歷史.” 伊較成是 有想像力 ê 傳記, 毋是 憑空虛構 ê 故事. 

毋管 Evelyn Payne-Ellis 是啥人, 她有提供 肖像 kap 族譜, 並且 看是 無試欲 寫 伊 kap 表姊 Laura tī 細漢時 常在講 ê 彼種 “古體文.” 冊內面 無 “by our Ladys (以 聖母之名),” 無 ‘nathelesses (m̄-kú),’ a̍h ‘varlets (匪徒)’ 這類 ê 古語. 就伊 ê 體現 來看, 是一本 忠實 ê 作品.

伊 ê 文體 比 Tanner Ss ê 冊 閣較有 啟發性.

啟發 濟 leh.

Grant 認為, 你若 無法度 了解 一个人, 較其次 ê 法度 tō是 去了解 in 老母, kō͘ án-ne 來判斷 這个人.

自 án-ne, tī Marta 會得 為伊 揣著 彼位神聖, 可靠 ê Thomas More 所寫 ê Richard 個人記錄 進前, 伊真願意 先研究 Cecily Nevill, its York 公爵 Hj.

伊 kā 族譜 看一下, 心內 án-ne 想, 假使 York hit 兩兄弟, its Edward kap Richard, 身為國王, 若因為 in bat 經驗 平民生活 án-ne 是特色, á in tī England 血統 ê 純正 mā 仝款 是特色.

伊看 in ê 血統, 感覺驚嘆. Nevill, Fitzalan, Percy, Holland, Mortimer, Clifford kap Audley, 猶閣有 Plantagenet (金雀花). Elizabeth 女王 (她 ka-tī án-ne 自誇) lóng 是純粹 ê England 人; 假使 kā Welsh 血統 mā 算做是 England 血統.

毋過, ùi 征服者 William 到 農夫 George 這段時期, 所有 tī 登王位 ê 濫血君主 中間 (ū-ê 濫著 半 Franse, 半 Sepanga, 半 Denmark, 半 Holland, 半 Portugal), Edward IV kap Richard III tī 本土血統 ê 純正性 值得注目.

伊 mā 注意著, in 老母彼頭 ê 皇家血統 袂較輸 老爸這頭. Cecily Nevill ê 阿公 是 Gaunt ê John, 是 第一代 Lancaster 人, Edward III ê 第 3 後生. 姻翁 ê 2 个 內/外公, 是 Edward III ê 另外 2 个 後生. 所致, Edward III ê 5 个後生 其中 3 个, 對這 2 个 York 兄弟 ê 出世 有貢獻.

“做一个 Nevill 家族成員,” Payne-Ellis Sc (Sió-chiá) án-ne 寫, “有伊 ê 重要性, 因為 in 是 大地主. Nevill 成員 毋是 嫣投 tō 是 媠, 因為 in 規家伙 lóng 生做好看. Nevill 成員 有個性, 因為 in gâu 表現 性格 kap 氣質. Kā chit 3 項 Nevill 人 天份, kō͘ 最幼致 ê 方式集 tī 一身, 這是 Cicely Nevill ê 福運. 早 tī 北爿 必須 tī 白 kap 紅玫瑰 中間 揀爿以前  她 tō 是 北爿 唯一 ê 玫瑰 ah.”

Payne-Ellis Sc 堅信, Cicely Nevill kap Richard Plantagenet, its York 公爵, ê 婚姻 是愛 ê 結合. Grant 對 這个理論 起頭是 嫌疑 kah 接近 輕視, 一直到 伊注意著 這層婚姻 ê 結果.

Tī 15 世紀, 每年 家庭 增加 一个囡仔, he 無啥, 干焦證明 in gâu 生. Cicely Nevill 為 嫣投翁 生 一綰囡仔, 袂當證明 he 是愛, 干焦證明 in 有蹛做伙. 但是 tī 彼个時代, 某 ê 角色 是 koaix 留 tī 厝, 管顧 厝 ni̍h ê 代誌, Cecily Nevill tiux 綴翁婿 四界旅行, che 有夠 值得注意, 表示 he 陪伴 有異常 ê 快樂.

He 旅行 ê 範圍 kap 捷度, 會當 ùi 囡仔 出世 ê 地點 得著證明. 第一胎 Ann, 生 tī Fotheringhay, hia 是家庭 tī Northampton 郡 ê 厝宅 ê 所在. 紅嬰仔時 tō 死 ê Henry, 生 tī Hatfield. Edward 生 tī Rouen, 彼時 公爵 teh 服役. Edmund kap Elizabeth mā 生 tī Rouen. Margaret 生 tī Fotheringhay. 囡仔時 tō 死 ê John, 生 tī Wales ê Neath. George 生 tī Dublin (Grant 好奇, 是毋是 因為 án-ne, George 才會 有 he 講袂來 ê Ireland 橫霸?) Richard 生 tī Fotheringhay.

Cecily Nevill 無 一直留 tī Northampton 郡 厝 ni̍h等 姻頭家 兼主人 tī 歡喜 ê 時 才來 探望她. 她綴伊 四界去 in 生活 ê 所在. Án-ne tō 有夠力 支持 Payne-Ellis Sc ê 理論. Tō 講 kō͘ siōng 綿精 ê 眼光來看, 這顯然是 一个 kài 成功 ê 婚姻.

這可能 mā 會當解說, Edward 逐工去 Paston 住所 探望 兩个小弟 ê 彼種 家庭感情. York 家族, 甚至 tī 遭受苦難 進前, tō 是 一个團結 ê 家族.

--

5.

5.1

The Rose of Raby proved to be fiction; but it was at least easier to hold than Tanner’s Constitutional History of England. It was, moreover, the almost-respectable form of historical fiction which is merely history-with-conversation, so to speak. An imaginative biography rather than an imagined story. /

Evelyn Payne-Ellis, whoever she might be, had provided portraits and a family tree, and had made no attempt, it seemed, to what he and his cousin Laura used to call in their childhood ‘write forsoothly’. There were no ‘by our Ladys’, no ’nathelesses’ or ‘varlets’. It was an honest affair according to its lights.

And its lights were more illuminating than Mr Tanner.

Much more illuminating.

It was Grant’s belief that if you could not find out about a man, the next best way to arrive at an estimate of him was to find out about his mother.

So until Marta could provide him with the sainted and infallible Thomas More’s personal account of Richard, he would make do very happily with Cecily Nevill, Duchess of York.

He glanced at the family tree, and thought that if the two York brothers, Edward and Richard, were, as kings, unique in their experience of ordinary life they were no less unique in their Englishness. /

He looked at[Pg 60] their breeding and marvelled. Nevill, Fitzalan, Percy, Holland, Mortimer, Clifford and Audley, as well as Plantagenet. Queen Elizabeth (who made it her boast) was all English; if one counted the Welsh streak as English. /

But among all the half-bred monarchs who had graced the throne between the Conquest and Farmer George—half-French, half-Spanish, half-Danish, half-Dutch, half-Portuguese—Edward IV and Richard III were remarkable in their home-bred quality.

They were also, he noted, as royally bred on their mother’s side as on their father’s. Cecily Nevill’s grandfather was John of Gaunt, the first of the Lancasters; third son of Edward III. Her husband’s two grandfathers were two other sons of Edward III. So three of Edward III’s five sons had contributed to the making of the two York brothers.

‘To be a Nevill’ said Miss Payne-Ellis ‘was to be of some importance since they were great landowners. To be a Nevill was almost certainly to be handsome, since they were a good-looking family. To be a Nevill was to have personality, since they excelled in displays of both character and temperament. To unite all three Nevill gifts, in their finest quality, in one person was the good fortune of Cicely Nevill, who was the sole Rose of the north long before that north was forced to choose between White Roses and Red.’

It was Miss Payne-Ellis’s contention that the marriage with Richard Plantagenet, Duke of York, was a love match. Grant received this theory with a scepticism bordering on scorn until he noticed the results of that[Pg 61] marriage. /

To have a yearly addition to the family was not, in the fifteenth century, evidence of anything but fertility. And the long family produced by Cicely Nevill to her charming husband augured nothing nearer love than cohabitation. But in a time when the wife’s rôle was to stay meekly at home and see to her still-room, Cecily Nevill’s constant travellings about in her husband’s company were surely remarkable enough to suggest an abnormal pleasure in that company. /

The extent and constancy of that travel was witnessed to by the birthplaces of her children. Anne, her first, was born at Fotheringhay, the family home in Northamptonshire. Henry, who died as a baby, at Hatfield. Edward at Rouen, where the Duke was on active service. Edmund and Elizabeth also at Rouen. Margaret at Fotheringhay. John, who died young, at Neath in Wales. George in Dublin (and could it be, wondered Grant, that that accounted for the almost Irish perverseness of the ineffable George?). Richard at Fotheringhay.

Cecily Nevill had not sat at home in Northamptonshire waiting for her lord and master to visit her when it seemed good to him. She had accompanied him about the world of their inhabiting. There was strong presumption in favour of Miss Payne-Ellis’s theory. At the very canniest reckoning it was patently a very successful marriage.

Which perhaps accounted for the family devotion of those daily visits of Edward to his small brothers in the Pastons’ lodgings. The York family, even before its tribulations, was a united one.

--